अथ सप्तमोऽध्यायः
रथ्याकर्पटविरचितकन्थः पुण्यापुण्यविवर्जितपन्थः । शून्यागारे तिष्ठति नग्नो शुद्धनिरञ्जनसमरसमग्नः ॥ १॥
rathyakarpata virachita kanthah punyapunyavivarjitapanthah । shunyagare tishthati nagno shuddhaniranjanasamarasamag nah ॥ 1॥
लक्ष्यालक्ष्यविवर्जितलक्ष्यो युक्तायुक्तविवर्जितदक्षः । केवलतत्त्वनिरञ्जनपूतो वादविवादः कथमवधूतः ॥ २॥
lakshyalakshyavivarjitalakshyo yuktayuktavivarjitadakshah । kevalatattvaniranjanaputo vadavivadah katham avadhutah ॥ 2॥
आशापाशविबन्धनमुक्ताः शौचाचारविवर्जितयुक्ताः । एवं सर्वविवर्जितशान्ता- स्तत्त्वं शुद्धनिरञ्जनवन्तः ॥ ३॥
ashapashavibandhanamuktah shauchacharavivarjitayuktah । evam sarvavivarjitashanta- stattvam shuddhaniranjanavantah ॥ 3॥
कथमिह देहविदेहविचारः कथमिह रागविरागविचारः । निर्मलनिश्चलगगनाकारं स्वयमिह तत्त्वं सहजाकारम् ॥ ४॥
katham iha dehavidehavicharah katham iha ragaviragavicharah । nirmalanishchala gaganakaram svayam iha tattvam sahaj akaram ॥ 4॥
कथमिह तत्त्वं विन्दति यत्र रूपमरूपं कथमिह तत्र । गगनाकारः परमो यत्र विषयीकरणं कथमिह तत्र ॥ ५॥
katham iha tattvam vindati yatra rupam arupam katham iha tatra । gaganakarah paramo yatra vishayikaranam katham iha tatra ॥ 5॥
गगनाकारनिरन्तरहंस- स्तत्त्वविशुद्धनिरञ्जनहंसः । एवं कथमिह भिन्नविभिन्नं बन्धविबन्धविकारविभिन्नम् ॥ ६॥
gaganakaranirantarahamsa- tattvavishuddhaniranjanahamsah । evam katham iha bhinnavibhinnam bandhavibandhavikaravibhinnam ॥ 6॥
केवलतत्त्वनिरन्तरसर्वं योगवियोगौ कथमिह गर्वम् । एवं परमनिरन्तरसर्व- मेवं कथमिह सारविसारम् ॥ ७॥
kevalatattvanirantarasarvam yogaviyogau katham iha garvam । evam paramanirantarasarvam evam katham iha saravisaram ॥ 7॥
केवलतत्त्वनिरञ्जनसर्वं गगनाकारनिरन्तरशुद्धम् । एवं कथमिह सङ्गविसङ्गं सत्यं कथमिह रङ्गविरङ्गम् ॥ ८॥
kevalatattvaniranjanasarvam gaganakaranirantarashuddham । evam katham iha sangavisangam satyam katham iha rangavirangam ॥ 8॥
योगवियोगै रहितो योगी भोगविभोगै रहितो भोगी । एवं चरति हि मन्दं मन्दं मनसा कल्पितसहजानन्दम् ॥ ९॥
yogaviyogai rahito yogi bhogavibhogai rahito bhogi । evam charati hi mandam mandam manasa kalpitasahajanandam ॥ 9॥
बोधविबोधैः सततं युक्तो द्वैताद्वैतैः कथमिह मुक्तः । सहजो विरजः कथमिह योगी शुद्धनिरञ्जनसमरसभोगी ॥ १०॥
bodhavibodhaih satatam yukto dvaitadvaitaih katham iha muktah । sahajo virajah katham iha yogi shuddhaniranjanasamarasabhogi ॥ 10॥
भग्नाभग्नविवर्जितभग्नो लग्नालग्नविवर्जितलग्नः । एवं कथमिह सारविसारः समरसतत्त्वं गगनाकारः ॥ ११॥
bhagnabhagnavivarjitabhagno lagnalagnavivarjitalagnah । evam katham iha saravisarah samarasatattvam gaganakarah ॥ 11॥
सततं सर्वविवर्जितयुक्तः सर्वं तत्त्वविवर्जितमुक्तः । एवं कथमिह जीवितमरणं ध्यानाध्यानैः कथमिह करणम् ॥ १२॥
satatam sarvavivarjitayuktah sarvam tattvavivarjitamuktah । evam katham iha jivitamaranam dhyanadhyanaih katham iha karanam ॥ 12॥
इन्द्रजालमिदं सर्वं यथा मरुमरीचिका । अखण्डितमनाकारो वर्तते केवलः शिवः ॥ १३॥
indrajalam idam sarvam yatha marumarichika । akhanditamanakaro vartate kevalah shivah ॥ 13॥
धर्मादौ मोक्षपर्यन्तं निरीहाः सर्वथा वयम् । कथं रागविरागैश्च कल्पयन्ति विपश्चितः ॥ १४॥
dharmadau mokshaparyantam nirihah sarvatha vayam । katham ragaviragaish cha kalpayanti vipashchitah ॥ 14॥
विन्दति विन्दति न हि न हि यत्र छन्दोलक्षणं न हि न हि तत्र । समरसमग्नो भावितपूतः प्रलपति तत्त्वं परमवधूतः ॥ १५॥
vindati vindati na hi na hi yatra chandolaksanam na hi na hi tatra । samarasam agno bhavitaputah pralapati tattvam paramavadhutah ॥ 15॥
इति सप्तमोऽध्यायः ॥ ७॥